Երեքշաբթի, 26 օգոստոս 2014-ին, Ֆրանչիսկոս Սրբազան Քահանայապետը, ընդունելով Իտալիոյ
Լոտի թեմի եպիսկոպոսի հրաժարականը, անոր տեղ անուանեց գերապայծառ Մաուրիցիօ Մալվեսթիթին`
որ մինչեւ օրս կը վարէր Արեւելեան Եկեղեցիներու Ժողովի ենթաքարտուղարի պաշտօնը։ Գերապայծառ
Մալվեսթիթի ծնած է Իտալիոյ Պերկամօ քաղաքը` 25 օգոստոս 1953-ին։ Քահանայ ձեռնադրուած
է 11 Յունիս 1977-ին։ 1994-էն ասդին իր առաքելութիւնը կատարած է Արեւելեան Եկեղեցիներու
Ժողովի ծիրէն ներս, զանազան պաշտօններ ստանձնելով։ 2006-ին արժանացաւ ''գերյարգելիի''
տիտղոսին։ Գերապայծառ Մալվեսթիթի ի մէջ այլոց կը վարէր նաեւ Հռոմի Սուրբ Վլաս Հայկական
եկեղեցւոյ Ռէկտորի պաշտօնը։